කිරි සප්පයාගේ ලියුම අංක 1-කිරි පිටි,ෆොන්ටෙරා හා සපීරෝ නෝනා.

මේ ලිපිය කිරි සප්පයා කියා පොඩි එකෙකුගේය...

දුලා මාමා අතේ එවමි,

මේ දවස් ටිකේම සී ලංකාවේ අයට බොන ජාති සම්බන්දයෙන් අල්බුද ඇති උනාය.සතියකට විතර උඩ දී සැර බීම වල ගණන් වැඩි කරලා කියා අපේ ලොකු මාම කෑගැහුවා මතකය.ඒක නම් කමක් නැත කියා සීයා කීවේය.ඊට පස්සේ පිරිසිදු වතුර ඉල්ලුවාට රතුපස්වල මාමලා නැන්දලා කට්ටියකට හමුදාවේ මාමලා වෙඩි තිබ්බේය.වතුර ඉල්ලුවාම වෙඩි තියන්නේ මොකද කීලා මට තේරෙන්නේ නැත.සමහරවිට ඒක මානුසික මෙහෙයුම් ජාතියක් වෙන්නැතිය.මොනවා වුනත් දැන් චැනල් 4 එකේ එවුන්ට රජ මගුල්ලුය.

ඊට පස්සේ දැන් අපි බොන කුක්කු පිටි එකේත් වසලුය.සිය රට දේ සිරි සැප දේ කාලයේ කිලි පිටි ගන්නට පෝලිමේ යන්නට වුනාලුය.සීයා කියන්නේ එහෙමය.දැන් එහෙම බම්බුවක් නැතිය.ආසියාවේ ආස්චර්යය කාලයේ සිද්ධ වෙන්නේ වහ පිටි බොන්නටය.වහ පිටි එන්නේ පොන්ටෙරා සමාගමෙන්ලුය.කොහොමත් ඒකෙන් දෙන පීඩියාප්‍රෝ අපේ අම්මා මට දෙන්න හදන කොට මං ඒ දවස් වලම එපා කිව්වෙමිය.ඒවා බිව්වාම අපි ගොබ්බ හිපාටු මහම මහ අමු මැට්ටන් බවට පත් වෙනවාය.ඇඳුමේ කලු පාට ඉරක් තැවරුනාම මුලු ඇඳුමේම ඒ ජරාව තවරාගෙන ඇඳුමම නාස්ති කරගන්නා ගොබ්බ පැටියෙකු වීමට මට උවමනාවක් නැතිය.මං හිතන්නේ ඒක ඔය තියෙනවා කියන විස වල ප්‍රතිඵලයක්ය.

මොනවා උනත් ඊයේ පෙලේදා ඕක ගැන ලියපු සපිරෝ නෝනාට නම් පොන්ටෙරා සමාගම හරි ලොකුය.එයාට ඒවායේ ගුණක් අගුණක් ගැන වැඩක් නැතිලුය.පොන්ටෙරා සමාගම ගැන සී ලංකාවේ මාධ්‍ය හරියට වාර්තා නොකරපු එක තමයිලුය එයාට වැදගත් වන්නේ.එයා කියන බම්බුව කිරි සප්පයාට නම් තේරෙන්නේ නැත.සමහර විට මං පොඩි නිසා වෙන්නැතිය.මොනවා වුනත් දැන් කඩවල් වලින් යෝගට් කද්දීත් ,කුක්කු පැකට් බොද්දීත් අපි කට්ටිය පෙරේසම් වෙන්නට ඕනැය.ඒ කුක්කු පැකට් වැඩි හරියකුත් ,ගෙවල් වල හදන යෝගටුත් හදන්නේ පිටි කිරි වලින් නිසාය.ඒවා පොන්ටෙරා පිටි විය හැකිය.

මේ දවස් වල බ්ලොග් අවකාශයේත් හරි හරි වැඩ වෙන්නේය.සෑම් මාමාගේ "රෑට කෙල්ලො - කොල්ලෝ කතා කරන ඒවා" ලිපියට වෙච්චි දෙයක් නැතිය.ඔය අතලේ අපේ කෙන්ජි මාමාට ඇනෝලාගෙන් කලදලය.පල ඇති රුකටමනෙ හෙන ගහන්නේ ගනන් නොගෙන හිටියානම් හරිය.මම අදට නවතිමි.

මීට, කිරි සප්පයා( දුලා මාමා අතේ එවමි )

සැ:යු :- මෙහි සඳහන් සියලුම අදහස් කිරි සප්පයාගේ වන අතර දුලා ඊට වග නොකියන්නේය.

ලියුම සම්බන්දයෙන් ඔබට හිතෙන දේ පල්ලෙහායින් කොටන්න.ඒවා කිරි සප්පයාට බාර දීමට දුලාට හැකිය.

SHARE